Директордың оқу ісі жөніндегі орынбасары
 Алагозова Баян Султановна
 Тараз қаласы №52 бастауыш мектеп

 Қазақстан Республикасының «Білім туралы» Заңында «Білім
 беру жүйесінің басты міндеті – ұлттық және адамзаттық құндылықтар,
 ғылым мен тәжірибе жетістіктерінегізінде жеке тұлғаны қалыптастыруға
 және біліктілікті шыңдауға бағытталған білім алу үшін қажетті жағдайлар
 жасау; оқытудың жаңа әдістерін енгізу, білім алуды ақпараттандыру,
 ғаламдық желілерге шығу» деп, білім беру жүйесін әрі дамыту міндеттері
 көзделіп отыр.
 Жалпы білім беру мазмұнын жаңартудың ғылыми негізінде оқушыны
 белгілі бір білім, білік дағдыларын, жас ерекшеліктеріне байланысты өз
 күшін жұмсап, еңбектенетін бала қалыптастыру ең маңызды мәселе.
 Сондықтан да мектептегі оқу үдерісінің негізгі мақсаты –
 әртүрлі педагогикалық әдіс-тәсілдермен жүйелі түрде оқушылардың
 шығармашылық қабілеттерін дамытып, ғылыми көзқарасы мен
 белсенділіктерін қалыптастыру болып саналады. Ұрпаққа қоғам талабына сай тәрбие мен білім беруде мұғалімдердің инновациялық іс-әрекеттің ғылымипедагогикалық негіздерін меңгеруі маңызды мәселелердің бірі. Жаңа педагогикалық технологияны меңгеруге мұғалімдерді даярлау оларды кәсіби білімін көтеруге дайындау аспектісінің бірі және тұлғасын
 қалыптастыру үрдісіндегі іс – әрекеттің нәтижесі болып табылады.
 Оқытудың жаңа технологияларының принциптері – оқытуды ізгілендіру,
 өздігінен дамитын, дұрыс шешім қабылдай алатын, өзін-өзі жетілдіріп,
 өсіруші, тәрбиелеуші жеке тұлға қалыптастыру болып табылады. Қазіргі
 білім беру саласындағы оқытудың озық жаңа технологияларын
 меңгермейінше сауатты, жан-жақты жетік маман болу мүмкін емес. Жаңа
 технологияны меңгеру мұғалімнің өзін-өзі дамытып, оқу – тәрбие үрдісін
 тиімді ұйымдастыруына көмектеседі. [1.9 б]
 Еліміздің президенті Н.Ә. Назарбаев «Қазақстан – 2050»
 бағдарламасында «Білім беру жүйесінің басты міндеті – тұлғаның ұлттық
 және жалпы адамзаттық, құндылықтар, ғылым мен практика жетістіктері
 негізінде қалыптасуы, дамуы және тұрғыда жетілуі үшін қажетті жағдайлар   жасау» деп көрсетті. XXI ғасырдың мұғалімдеріне қойылатын талап көп. Мұғалім өз ісінің шебері болуы тиіс. Өз ісін жетік меңгерген, біліктілігін жетілдіріп үнемі   жаңашыл бағытта ізденіс үстінде болуы керек. Қазіргі таңда бізден сапалы     білім сұрайды. Ал сапалы білім болу үшін мұғалім әр сабағын қызықтыра  өткізіп, әдіс-тәсілдерді тиімді қолдана білуі қажет. [2.3 б]  А.Байтұрсынов «Мұғалім әдісті көп білуге тырысуы керек.
 Оларды өзіне сүйеніш, қолғабыс нәрсе есебінде қолдану керек» деп ерекше
 айтқан екен. Бүгінгі заманға сай жаңа әдістер бала бойындағы даму үдерісін жан – жақты арттыруға үлкен көмегін тигізеді. Оқыту үдерісінде алдымен оқыту мақсаты, оқыту мазмұны, сабақ құрылымы мен формалары өзгереді.
 Қазіргі кезде біздің республикамызда білім берудің жаңа жүйесі жасалып,
 әлемдік білім беру кеңістігінде өнуге бағыт алуда. Білім беру парадигмасы
 өзгерді, басқаша қарым-қатынас жаңа көзқарас пайда болды. Білім мазмұны жаңа үдерістік біліктер мен ақпаратты қабылдау қабілеттерінің дамуымен, ғылымдағы шығармашылық және нарықтық жағдайдағы білім
 бағдарламаларының нақтылауымен өзгере түсті. Бастауыш сынып
 мұғалімдерінің инновациялық іс-әрекетінің педагогикалық шарттарын
 меңгеруі, бүгінгі таңдағы басты міндеттерінің бірі. Мұғалімнің өнері, оның өз сабағының композициясы мен оқу-танымдық міндеттерін шешумен бірге қарастыратын, оқушылардың өздік жұмыстарын ұйымдастырып, мектеп өмірінде оқушылармен қарым-қатынасынан көрінеді. Қазіргі таңда жаңаша білім беру, заман талабына сай жұмыстануға мүмкіндік беріп отырған Кембридж бағдарламасы.
 «Адам ұрпағымен мың жасайды» - дейді халқымыз. Ұрпақ
 жалғастығымен адамзат баласы мың емес миллиондаған жылдар жасап
 келеді. Жақсылыққа бастайтын жарық жұлдыз – оқу. Қазіргі мектеп
 мұғалімдерінің алдында тұрған басты міндет –оқушылардың шығармашылық білім дағдыларын қалыптастыру. Шәкәрім Құдайбердіұлы «Адамның жақсы өмір сүруіне үш сапа негіз бола алады, олар барлығынан басым болатын адал еңбек, мінсіз ақыл, таза жүрек.
 Бұл сапалар адамды дүниеге келген күннен бастап тәрбиелейді»
 деп есептейді: Ұрпақ тәрбиесі- бұл болашақ тірегі, мемлекеттік маңызды іс. Міне, өз ұрпағының өнегелі, өнерлі, еңбексүйгіш, абзал азамат болып өсуі үшін халық педагогикасының негізгі мақсатын шығармашылықпен оқу – тәрбие үрдісіне тиімді пайдалану әрбір ұстаздың міндеті болып табылады.
 Сондықтан, ұстаз – мұғалімдер қауымының алдына өте үлкен міндет
 жүктелді. Бүгінгі таңда жас ұрпаққа пәнді тиімді ұғындырудың бірі – жаңа
 технология негіздері болып табылады.
 Қазіргі кезде білім беру саласында болып жатқан ауқымды
 өзгерістер түрлі ынталы бастамалар мен түрлендірулерге кеңінен жол
 ашылуда. Осы тұрғыдан алғанда, ұрпақ тәрбиесімен айналысатын әлеуметтік– педагогикалық қызметтің тиімділігін арттыру, оны жаңа сапада ұйымдастыру қажеттігі туындайды. Бұл үшін мұғалімдердің инновациялық іс-әрекеттің ғылыми-педагогикалық негіздерін меңгеруі мақсат етіледі. Ал жаңа технологияны пайдалану міндетті деңгейдегі білімді қалыптастыра отырып мүмкіндік деңгейге жеткізеді. Сондықтан бастауыш сынып мұғалімдерінің біліктілігін көтеру мен шығармашылық, педагогикалық әрекетін ұйымдастыруда қазіргі педагогикалық технологияларды меңгерудің маңызы зор. Оқытудың жаңа технологиясы дегенде, ең алдымен, педагогикалық технология деген ұғымды түсіну керек. Оқыту, білім беру тәжірибесі педагогикалық үрдістің сапасын үнемі арттырып отыруды талап етеді. Осыған байланысты ғылым мен тәжірибеде педагогикалық үрдістің сапасын көтерудің бай тәжірибесі жинақталған. Педагогикалық технология терминінің анықтамаларын көптеген авторлар өз түсінігі мен өз санасында қалыптасқан көзқарастарын қалыптастырған: - «Технология»- қалыпты өзгерту, өңдеу әдістері, өнері,
 шеберлігі, іскерлігі жөніндегі ғылым жиынтығы. (В.М. Шепель)
 - «Педагогикалық технология» - жоспарланған оқыту
 нәтижелеріне жету процесін сипаттау болып табылады. (И.П.Волков)
 - Педагогикалық технологиялардың даму сатыларын жан-жақты
 қарастырып зерттеген ресейлік ғалымдар- Ф.А. Фрадкин, Е.Ю. Рогачева,Л.И.
 Богомолова,
 Педагогикалық технологияның тиімділігі:
 1.Оқушы өздігінен жұмыс істеуге мүмкіндік алады, соған
 дағдыланды;
 2.Оқушының жеке қабілеті анықталады;
 3.Іштей бір-бірінен қалмауға тырысып, талпынады;
 4.Тапсырмалық күрделену деңгейіне сәйкес оқушының ойлау,
 орындау қабілеті артады.
 5.Өзін- өзі тексеруге дағдыланады.
 6.Мұғалім жекелеген оқушыларға көмектесуге мүмкіндік алады.
 7.Орындау қабілетіне қарай бағаланады. [3.85 б]
 Бастауыш білім- үздіксіз білім берудің баспалдағы. Мұғалімнің негізгі
 ұстанған мақсаты- білімнің жаңа үлгісін жасап, белгілі бір көлемдегі білім
 мен білік дағдыларын меңгерту, оқу мен тәрбие үрдісін ұйымдастырудың
 сан түрлі жаңа әдіс-тәсілдерін іздестіру, жаңа технологияларды сабаққа
 тиімді пайдалана білуі, бір сөзбен айтқанда – оқу үрдісін дамыту. Бұған
 Елбасымыз Нұрсұлтан Назарбаевтың Қазақстан халқына жолдауында
 айтылған «ХХІ ғасырда білімін дамыта алмаған елдің тығырыққа тірелетіні анық» деген пікірі нақты дәлел. Бүгінгі білім беру ісінің мақсаты- тек білім,  білік дағдыларын меңгерту ғана емес, өзін- өзі дамытуға ұмтылатын, ақылды, алғыр, ой- өрісі кең, ақпарат көздерін өз бетімен қолдана алатын, қабілетті де  талантты, жастарды тәрбиелеу. Үнемі дамып, өзгеріп отыратын баланың ішкі болмысы мен табиғатын қалыптастыруда мұғалімнің ықпалы ерекше. Жаңа технология жүзеге асыру, тиімділігіне қарай пайдалану үшін, әр мұғалім өзінің алдында отырған оқушыларының жас ерекшеліктерін ескере отырып, педагогикалық мақсат- мүддесіне байланысты, өз шеберлігіне
 байланысты таңдап алады. Жаңа технологияны жүзеге асыруда мұғалім
 белсенділігі, шығармашылық ізденісі, өз мамандығына деген сүйіспеншілігі, алдындағы шәкірттерін бағалауы ерекше орын алады. Жалпы алғанда, жаңа технологиялардың 40-астам түрлері бар. Оқушы тұлғасының дамуына, қабілетінің артуына жаңа технологиялар айтарлықтай ықпал жасайтыны сөзсіз және бұл қазіргі таңдағы білім беру жүйесінің дамуындағы елеулі бағыт. Сондықтан да болар қазіргі кезде біздің ұстаздар да осы жаңа технологиялар мен элементтерін өздерінің тәжірибелерінде пайдаланып жүр. Модульдік оқыту технологиясы.
 Модуль – белгілі бір жүйенің өзіндік бөлшегі (С.И.Ожегов).
 Модулбдік оқыту технологиясының ерекшелігі – тұлғаның танымдық
 қабілеттерін және танымдық процесстерді арнайы жасалған оқу және
 танымдық жағдайлар арқылы дамытуға, тұлғаның қажеттілігін
 қанағаттандыруға белсенді сөздік қорын дамытуға бағытталуы. Бұл
 технология тұлғаның даму ерекшеліктері туралы психологиялық ғылым
 мәліметтеріне, тұлғаның қызығушылық аясын дамытуға, тұлғаның танымдық құрылымын дамыту ерекшеліктеріне негізделген. Болашақта өркениетті дамыған елдер қатарына ену үшін заман талабына сай білім қажет. Өйткені тәуелсіз Қазақстанды дамыған бәсекеге қабілетті елу елдің қатарында,терезесін тең ететін – білім. Сондықтан қазіргі даму кезеңі білім беру жүйесінің алдына оқу үдерісін технологияландыру мәселесін қойып отыр.
 Мектеп өміріне еніп отырған жаңа технологиялардың ерекшелігі өсіп келе
 жатқан жеке тұлғаны жан- жақты дамыту. Соның ішінде мүмкіндігі шектеулі оқушылардың дамуына да жаңа технология элементтерін пайдалану өз әсерін тигізуде. Бастауыш мектеп- оқушы тұлғасы мен санасының дамуы қуатты жүретін, ерекше құнды, қайталанбас кезең. Сондықтан бастауыш білім үздіксіз білім берудің алғашқы баспалдағы, қиын да жауапты іс. Оқытудың әртүрлі технологиялары сарапталып, жаңашыл педагогтардың іс- тәжірибесі зерттеліп, мектеп өміріне енуде. Қазіргі заманның талабына сай болу формация мектебінде жұмыс істеп жүрген педагогтардың алдында тұрған проблемаларды шешу негізгі мақсат болып табылады, олар: баланы оқи білуге үйрету; баланы ойлауға үйрету; баланың өзін- өзі тұлға ретінде  дамуына жағдай жасау. [4.7 б]. Осыған орай мектеп білімі түбегейлі  жаңартылып, мұғалімнің қызметінің мақсаттары кеңейіп, үлкен өзгерістер үстінде. Әр педагогтың міндеті – оқушының шығармашылық ойына бағыт  беру, шығармашылық ізденісті қолдау, жағдаяттар туғызып, оның шешімін  табуға бағыттау, жаңаны іздеуге, жүйелі зерттеулерге талдау жасауға  талпыныс беру.
 «Сын тұрғысынан ойлауды дамыту» технологиясы:
 Кез келген ұстазға сапалы сабақ беруге мүмкіндік беретіндігімен.
 Оқыту мен ұйымдастырудың тиімді әдістерін / стратегияларың
 көптігімен. Оқу мотивацияларын өзгертуге пайдалы екендігімен.
 «Сын тұрғысынан ойлауды дамыту» технологиясының өзге
 технологиялардан ерекшеліктері:
 Сын тұрғысынан ойлау сабақтарының құрылымы / қызықшылықты
 ояту, мағынаны ажырату, ой толғаныс.
 Негізгі үш кезеңнің маңыздылығы стратегиялардың психологиялық
 астары мен ерекшеліктері.Осы жобамен жұмыс жасау барысында мұғалім
 оқушының өзін ізденуге жетелейді, ойлануға үйретеді. Педагогикалық
 технология оқушылардың жеке басын дамыту мен білім беру мақсатына жету жолындағы педагогикалық қызметтің, іс-әрекеттің жүйелі дамып отыратын жобасы ретінде оқушы белсенділігін арттыруды көздейді. Ал, оқушы белсенділігінің артуы оны шығармашылыққа жетелейді.
 Шығармашылық дегеніміз – адамның өмір шындығында өзін- өзі
 тануға, жаңалық ашуға, жаңа тәсілдер табуға ұмтылуы, ізденуі.
 Шығармашылық қабілет әр баланың табиғатында болуы мүмкін. Біздің
 міндетіміз – оқушыға оның бойында жасырынып жатқан мүмкіндіктерін
 ашып көрсету. Өз тәжірибемде бастауыш сынып оқушыларының
 шығармашылық қабілеттерін, сабақта және сабақтан тыс уақытта дамытуда, сын тұрғысынан ойлау жобасының көптеген әдіс-тәсілдерін қолданамын:

• Шығармада екі кейіпкердің қарама- қарсы элементтерін сипаттау /
 қарама- қайшы элементтер стратегиясы/
 • Өлең шумақтарын құрастыру / 5 жолды өлең/
 «Сын тұрғысынан ойлау» бағдарламасының модулдерін ұтымды пайдалану оқушылардың шығармашылық қасиетін анықтауды, күшейтуде, оқытудың
 тиімділігін, сапасын арттыруда ерекше маңызды.
 Бұл бағдарламаның мақсаты – барлық жастағы, соның ішінде бастауыш
 сынып оқушыларының кез келген мазмұын түсінікке сыни тұрғыдан қарап,
 ең керекті пікір, ұйғарым таңдауға, шешім қабылдауға үйрету. Оқушылардың  білім деңгейін көтеруге, шығармашылыққа баулуға, ойларын еркін айтуға  жетелеу. Сын тұрғысынан ойлау сынау емес, шыңдалған, бірін- бірі  толықтырған ойлау. Ең бастысы жекелей, топта, сыныпта оқушылардың  білім деңгейін көтеруге ретімен сұрыптап қолданған стратегиялардың қайөзі дамыта, жетілдіре бақылай алатын дағды қалыптастыру, соған сәйкес өз  бетінше білім алуға үйрету, дамудың ең биік шыңына жету болып табылады.
 Яғни, ең алдымен, шығармашылық ойлау нәтижесінде жаңалық ашылады,
 тұлғаның дамуы жеделдейді. Оқушы ойын осылайша шыңдауға мүмкіндік
 туады.
 Сын тұрғысынан ойлауды үйрету үшін мына шараларды білу
 қажет: 1. Сын тұрғысынан ойлауды үйрету үшін уақыт керек.
 2. Оқушыларға ойланып, толғануға, ойын ашық айтуға рұқсат беру.
 3.Әр түрлі идеялар мен пікірлерді қабылдау.
 4.Үйрену барысында оқушылардың белсенді іс-әрекетін қолдану.
 5. Кейбір оқушылардың жауабының, сынының дәлелді, дәйекті
 болуын талап ету.
 6. Сын тұрғысынан ойлауды бағалау.
 Сын тұрғысынан ойлау технологияларын пайдалану нәтижесінде
 қазіргі оқушының: – Сабаққа қызығушылығы артады;
 – Нақты өз деңгейінде бағаланады;
 – Жеке қабілеті айқындалады;
 – Өз бетімен жұмыс істеуге үйренеді;
 – Даму мониторингі айқын көрінеді;
 Сын тұрғысынан ойлау сабақтарының алғы шарттары:
 – Сабақты белсенді өткізіп, әр баладан еркін жауап алуға жағдай
 жасау;
 -Сенімділікке тәрбиелеу үшін баланың жауабын санамен бағалау;

-Әр түрлі жауапқа бірдей қарау, жақсысын мадақтап, жаманын
 сынамау;
 – Тіл байлығын дамыту үшін қалайда жауабын соңына дейін тыңдау
 – Жауап беруге тілек білдірмеген баланың өз еркінсіз, өз пікірін
 қалыптастыру. Өз іс-тәжірибемде жаңа технология арқылы
 оқушылардың танымдық қызығушылығын қалыптастырып,
 шығармашылыққа баулуға көп көңіл бөлемін. Оқушылардың
 шығармашылық бағытта жан-жақты дамыту – бүгінгі күннің басты талабы.
 Осы талап тұрғысынан алғанда оқу – тәрбие үрдісін ұйымдастырудың сан
 сан түрлі әдіс- тәсілдерін іздестіру жаңа технологияларды тиімді
 пайдаланнудың маңызы ерекше. Қазіргі ұстаздар қауымының алдында тұрғанүлкен мақсат –өмірдің барлық саласында белсенді, шығармашылық ісәрекетке қабілетті, еркін және жан-жақты жетілген тұлға тәрбиелеу. Өмірдегі сан алуан қиындықтарды шеше білу тек шығармашыл адамның қолынан   келеді [5 Оқушылардың шығармашылығын, танымдық белсенділігін  арттыруда шығармашылық сабақтарды өткізудің, оқушының өз бетімен  ізденіп, шығармашылық ой өрісін арттыруда алатын маңызы ерекше.  Қандай технологияны пайдаланға кезде де оқушының белсенділігі,
 мақсатқа ұмтылуы, ақпаратты өзі іздеп табуы, шапшаңдығы мен еркіндігі,
 шығармашылығы, көңіл-күйінің көтеріңкі болуы қамтамасыз етіледі.
 Қорыта келгенде, қазіргі кезде мектептерде жиі қолданылып отырған
 жаңа технологиялар ойлауды дамыту, қабілетті қалыптастыруға бағытталған әдіс-тәсілдер. Оқушыларымның сабаққа деген қызығушықтары артып,  сыныптың білім сапасы көтеріледі. Егер де жаңа технология элементтерін   сабақта өз дәрежесінде ұиымдастыра білсек, өз нәтижесін береді деп  ойлаймын.

Әдебиеттер тізімі:

«Сабақ – оқытудың негізгі формасы». Алматы, 2003 жыл.

1.Иманбекова Б., Әбдіреймова К,

2.Садыбекова Ж. «Оқу – тәрбие үрдісінде ақпараттық-коммуникациялық технологияны қолдану қажеттілігі.   №4-2008 жыл (30 cәуір 2008 жыл). 4.Ералиева М. Оқытудың  қазіргі технологиялары / М.Ералиева // Бастауыш мектеп. – 2006.-№5.
 4.Абдрахманова К. Төменгі жастағыларды оқыту ерекшеліктері /
 К.Абдрахманова // Бастауыш мектеп. – 1989.-№9

Тараз қаласы білім бөлімінің №52 бастауыш мектеп» КММ

«Келісемін»                                                                                                                                                                                                               «Бекітемін»                                                                                                                                                                                                                                                             Қамқоршылық кеңес төрағасы                                                                                                                                                                    Мектеп директоры:                                                                                                                                                                                                                                        ____________  С.Есенова                                                                                                                                                               __________ А.Тоқтағұлұлы

                                                                                                                                                                                                педагогикалық кеңес қаулысымен
 20___ж. "____"______                                                                                                                                                                            20___ж. "____"______

№52 бастауыш мектептің 2023 – 2028 жылдарға арналған 

дамыту бағдарламасы

Тараз қаласы

Мазмұны

І бөлім. Дамыту бағдарламасының паспорты 

1. Дамыту бағдарламасының паспорты

ІІ бөлім. Ағымдағы ахуалды талдау

2.1. Бағдарламаның талдамалық және болжамдау негіздемесінің блогы

ІІІ бөлім. Бағдарлама пайымы және миссиясы

3.1 Бағдарлама пайымы

3.2 Бағдарламаның миссиясы, мақсаттары мен міндеттері

3.3 Бағдарламаның стратегиялық блогы

3.4 Бағдарламаның қойылған мақсатына қол жеткізу жолдары

IV бөлім. Нысаналы индикаторлар және күтілетін нәтижелер

4.1. Бағдарламаны іске асыру барысында күтілетін нәтижелер

4.2 Бағдарламаның нысаналы индикаторлары

V БӨЛІМ. Іс-шаралар жоспары

І бөлім. Дамыту бағдарламасының паспорты

 ІІ бөлім.    Бағдарламаның талдамалық және болжамдау негіздемесінің блогы.

Білім беру ұйымының аталуы, орналасқан жері (заңды мекен-жайы және нақты орналасқан мекен-жайы):

«Жамбыл облысы әкімдігінің білім басқармасы Тараз қаласының білім бөлімінің №52 бастауыш мектебі» коммуналдық мемлекеттік мекемесі, Тараз қаласы, Целиноград көшесі,34 үй   Пошта индексі: 080000

Заңды тұлғаның байланыс деректері (телефон, электронды пошта, web-сайт):

Телефон: 8(7262) 52-78-49

Электронды почта:  nsh _52 @mail.kz

Заңды тұлға өкілінің байланыс деректері (басшының Т.А.Ә және лауазымға тағайындау бұйрығы туралы деректер):

 Мектеп директоры  Тоқтағұлұлы  Алмасхан    

«Жамбыл облысы  Тараз қаласы әкімдігінің білім бөлімі» КММ   2022 жыл 21 ақпан №15 бұйрығына сәйкес тағайындалды.

Құқық беруші және құрылтайшы құжаттар: 

Жамбыл облысының әкімі 2022 жылғы 02 наурызда бекіткен № 98 қаулыға сәйкес «Жамбыл облысы әкімдігінің білім басқармасы Тараз қаласының білім бөлімінің  №52 бастауыш мектебі» коммуналдық мемлекеттік мекемесінің ЖАРҒЫСЫ

Жамбыл облысы Әділет департаментінің 2012 жыл 22 мамырдағы «Заңды тұлғаны қайта тіркеу туралы анықтама» БСН 051240003895

Рұқсат етуші құжаттар: 

2021 жыл 25 ақпан Білім беру қызметімен айналысу үшін Лицензия №KZ60LАА00024826 Ерекше шарттары: мерзімі шектелмеген

Лицензия: «Қазақстан Республикасы Білім және ғылым министрлігі Білім және ғылым  саласында сапаны қамтамасыз ету комитетінің Жамбыл облысының білім саласында сапаны қамтамасыз ету департаменті» мемлекеттік мекемесі

Мемлекеттік мекеменің құрылтайшысы Жамбыл облысының әкімдігі. «Жамбыл облысы әкімдігінің білім басқармасының Тараз қаласының білім бөлімі» коммуналдық мемлекеттік мекемесі мемлекеттік мекеменің  тиісті саланың уәкілетті органы болып табылады.

Мектептің білім беруді дамытудың 2023–2028 жылдарға арналған даму бағдарламасының индикаторларлық көрсеткіштеріне сай білім беру ұйымының оқыту-тәрбие қызметі ұйымдастырылды. Атқарылған жұмыстар мен қол жеткізген көрсеткіштерді саралай келе қойылған мақсаттар мен міндеттердің 80%-дан астамының орындалғанын көрсетеді. Даму  бағдарламасы бойынша 5 стратегиялық бағыт бойынша  белгіленген индикаторларға қол жеткізіп, іс-шараларды орындау жоспарланды. 

Білім беру мазмұны және  оның сапасын жақсарту

Мектептің оқу-тәрбие жұмысы мемлекеттің білім беру саласындағы саясатының мақсаттары мен міндеттерін іске асыруға бағытталған. Білім беру қызметінің сапалы жүргізілуі, білім мазмұнын жаңарту арқылы сапалы білімге қол жеткізу, оқушылардың  функционалдық сауаттылығын арттыру.

Оқу-тәрбие үдерісі мемлекеттік тілде жүргізіледі. Оқу-тәрбие үдерісі екі кезеңде жүзеге асырылады. 2023-2024 оқу жылында бастауыш   мектепте 8 сынып комплектісі және 3 мектепалды даярлық сынып болды. Бастауыш сыныпта-140 оқушы және мектепалды даярлық сыныпта -55 оқушы.  Жалпы саны -195оқушы.

             Мектеп қызметі Қазақстан Республикасының Конституциясына, Қазақстан Республикасының «Білім туралы» Заңына, Қазақстан Республикасының Президенті мен Үкіметінің актілеріне, сондай-ақ мектептің Жарғысына, ішкі тәртіп ережесіне жəне ішкі актілеріне қатаң сəйкестікте жүзеге асырылады. Білім беру қызметі жұмыстық оқу жоспарына сəйкес жүзеге асырылады. Жұмыстық оқу жоспарын жасау барысында «Мектепке дейінгі тәрбие мен оқытудың, бастауыш, негізгі орта, жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарын бекіту туралы» Қазақстан Республикасы Оқу-ағарту министрінің 2022 жылғы 3 тамыздағы №348 бұйрығымен бекітілген (23.09.2022 ж. №406 бұйрығымен енгізілген өзгерістерімен) стандарты,  «Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы» Қазақстан Республикасы Білім және ғылым министрінің 2012 жылғы 8 қарашадағы №500 бұйрығымен бекітілген үлгілік оқу жоспарлары (18.08.2023 ж. №264, 12.08.2022 ж. №365, 30.09.2022 ж. №412 бұйрықтарымен енгізілген өзгерістерімен); «Жалпы білім беру ұйымдарына арналған жалпы білім беретін пәндер, таңдау курстары мен факультативтер бойынша үлгілік оқу бағдарламаларын бекіту туралы» Қазақстан Республикасы Оқу-ағарту министрінің 2022 жылғы 16 қыркүйектегі №399 бұйрығымен бекітілген үлгілік оқу бағдарламалары (21.11.2022 ж. №467, 05.07.2023 ж. №199 бұйрығымен енгізілген өзгерістерімен) және «2023 – 2024 оқу жылында Қазақстан Республикасының орта білім беру ұйымдарындағы оқу-тәрбие процесінің ерекшеліктері туралы» әдістемелік нұсқау хаты басшылыққа алынды.

Білім беру үдерісі табыстылығының негізгі алғышарты сапалы кадрлық қамтамасыз ету болып табылады. Кешенді кəсіби қолдау жəне аттестаттау нəтижелері бойынша мектепте- педагог-зерттеуші – 3 мұғалім (14.2%), педагог-сарапшы – 2 мұғалім (9,5%),   педагог-модератор – 9 мұғалім (42.8%), санаты жоқ – 7 мұғалім(33.3%). Сонымен қатар магистр дәрежесі бар 1 мұғалім.

2022-2023 оқу жылының қорытындысы бойынша пәндік олимпиадар мен интеллектуалды ойындар мен шығармашылық байқауларда  оқушы халықаралық қашықтық деңгейде 8 оқушы республикалық қашықтық деңгейде, 10 оқушы облыстық деңгейде, 5 оқушы қалалық деңгейде 3 жүлделі орындарды иеленді. 

Тəрбие жұмысының бірыңғай жүйесі құндылықтарды анықтайды жəне  оқушылардың сабақтан тыс іс-əрекеті (тоғызқұмалақ, шахмат, ) арқылы тұлғаны тұтас дамытуға бағытталған. 

2023–2028 жылдарға арналған Білім беруді дамытудың келесі негізгі бағыттары айқындалды: педагог мамандығының беделін көтеру және кадрлар әлеуетін арттыру, білім беру мазмұны, оның сапасын жақсарту, оқушылардың бойында «Біртұтас тәрбие бағдарламасы» -ұлттық адами құндылықтарға негізделген.Жалпыадамзаттық және ұлттық құндылықтарды  бойына сіңірген,әлемдік озық білімді игерген саналы азаматты тәрбиелеу  мақсаты көзделген. Аталған бағыттар мектеп жұмысының өзекті мазмұнына айналды.

Табысты тəрбие жұмысының басты шарттарының бірі ата-аналармен жəне жергілікті қауымдастықпен тығыз байланыс болып табылады, ол əлеуметтік жобалар мен тəжірибелер арқылы жүзеге асырылады. Мектептің тəрбие жұмысының мақсаттары мен міндеттері «Қазақстан – 2050» стратегиясына, «Мəңгілік ел» жалпыұлттық идеясының құндылықтарына, ҚР Тұңғыш Президентінің «Рухани Жаңғыру», «Ұлы даланың жеті қыры» бағдарламалық мақалаларының идеяларына негізделген. 

Мектебіміздің мұғалімдері мен оқушылары түрлі деңгейдегі олимпиадалар мен шығармашылық байқаулар мен интеллектуалдық марафондарға қатысып, жүлделі орындарға ие болды. Бірқатар мұғалімдеріміз үздік сабақ жоспарлары мен мақалаларын республикалық басылымдарда жариялап, өз іс-тәжірибелерімен бөлісті.  

Алайда жоспарлы іс-шараларды жүзеге асыру барысында бірқатар кедергілер де орын алды:

- мұғалімдердің жаңашылдыққа баяу бетбұрысы;

- кейбір мұғалімдердің сенімсіздік танытуы;

-педагогтар тарапынан “инновациялық жобаларға қатысушы педагогтар үлесі” индикаторы бойынша көрсеткіш деңгейі әлі де жетілдіруді қажет етуі;

-аттестаттаудың жаңа форматының енгізілуіне орай педаготардың дайындығының жетіспеушілігі;

Орын алған кедергілерге ұжым мүшелері жоспарланған іс – шараларды толығымен жүзеге асырылуда. Ұйымшылдықтың арқасында көтерген жүктің ауырлығы байқалмай, мұғалімдердің басым көпшілігі жаңашылдыққа бетбұрыс жасалып жатыр.

Әдістемелік бағыттағы жұмыстар өз деңгейінде жүргізілмеді. Алдағы уақытта бұл бағытта жұмыстың түрлі формаларын қолдана отырып, оң шешімін табамыз деп ойлаймыз. 

Атқарылған жұмыстардың жетістіктері мен кемшіліктерін саралай келе, алдағы уақытта:

- мектепті дамыту бастауыш бірлестіктің қауымдастық жұмысын жандандыру;

- оқу – тәрбие үдерісіне инновациялық технологияларды кеңінен енгізе отырып, оқушылардың жеке қажеттіліктерін қанағаттандыру;

- мұғалімдердің әдістемелік шеберліктерін шыңдау;

- өзара тәжірибе алмасу жұмысын жүйелі түрде жалғастыру қажет деп есептейміз.

2022-2023 оқу жылына жоспарланған іс-шараларды орындау барысында жиналған мектеп деректерін сараптай келе, төмендегі 5 басымдықты анықтадық:

1. Оқу-тәрбие үдерісіне инновациялық педагогикалық технологияларды енгізу.

2. Дарынды және үлгерімі төмен оқушылармен жұмысты жақсарту жолдарын үйрету.

3. Пән мұғалімдеріне кері байланыс жүргізуді үйрету.

4. Мұғалімдердің іс-әрекеттегі зерттеу және сабақты зерттеу жұмыстарының тиімділігін арттыру.

5. Мектептің басқару тәжірибесіне кеңінен енгізу.

Мектебіміздің  оқу – тәрбие үрдерісінің даму басымдықтарын  анықтау үшін мектеп ата – аналарынан, мұғалімдерінен, оқушыларынан   алынған сауалнамалардың нәтижесін талдай келе мынандай қорытындыға келдік:

1. Мектептегі жүргізілетін жұмыстардың дайын үлгіге салынбай, жаңашыл, шығармашылықпен ұйымдастырылуына баса көңіл аудару.

2. Мектептің оқу – тәрбие үдерісіне инновациялық педагогикалық технологияларды кеңінен енгізу.

3. Білім берудегі жаңашылдықтар, білім сапасын арттыру мәселелерін шешуде педагогикалық ұжымның, оқушылар мен ата-аналардың, қоғамдық ұйымдар өкілдерінің үнін ескере отырып, бірлесе әрекет етуін дамыту.

4. Мектепте бөлінген көшбасшылықты тәжірибеге енгізу.

5. Педагогикалық қызметкерлердің өз білімін жетілдіру жұмыстарын жандандыру.

Мектептің SWOT – талдауы төмендегілерді көрсетеді:

Қорыта келе, мектептің күшті жағындағы құндылықтарымызды өрбіте отырып, әлсіз жақтағы олқылықтар мен кемшіліктерді дер кезінде жою, күнделікті оқу-тәрбие үдерісіне кері әсерін тигізетін қауіптердің алдын алу мақсатында бүгінгі таңдағы мүмкіндіктерімізді пайдалана отырып, мектептің жұмысын жандандыру қажет деп санаймыз.

Соңғы үш жыл бойынша   білім сапасының  салыстырмалы көрсеткіші

Дарынды оқушылармен жұмыс бағыты  бойынша мектебімізде оқушылардың пәндік олимпида, ғылыми және шығармшылық жобалар сайысына, түрлі интеллектуалдық сайыстарға қатысу көрсеткіші төмендегідей:

1-4 сынып оқушылардың  пәндер бойынша олимпиадаларға  және байқауларға қатысу салыстырмалы көрсеткіші

                                                                                                           Оқу жылы 2020-2023ж

1. Педагог кадрларды  талантты және дарынды оқушылармен жұмыс жасаудың жаңа әдістемесіне үйрету, тиімділікті арттыру, бәсекелестік ортасын арттыруда рейтингтік жүйені жетілдіру арқылы ынталандыру, “Педагог мәртебесі” туралы Заңға сәйкес жоғары жетістік көрсеткен ұстаздарды (халықаралық, республикалық сайыстардан жүлделі орын иеленген оқушыларды дайындаған т.б.) жоғары көлемде ынталандыру арқылы жетістікке жетуге деген мотивациясын арттыру;

2. Инклюзивті  білім беретін педагогтардың білімін жүйелі түрде жетілдіріп отыру.

3. Ерекше білімді қажет ететін оқушыға білім беретін педагогтерді  біліктілік арттыру курсынан өткізіп отыру;

   Соңғы 3 жылдағы  инклюзивті білім алатын оқушылар мен ерекше білімді қажет ететін оқушы үлесіне тоқталсақ, келесі деректерді құрайды: 

                                 Педагог мамандығының беделін көтеру және кадрлар әлеуетін арттыру

Педагог мәртебесін көтерудегі  мемлекеттік саясаттың басты алғышарттардың бірі -   мұғалімнің мансаптық өсуінің жаңа жүйесі болып табылатын аттестаттау форматының енгізілуі. Бүгінде (2023-2024 оқу жылы) мектепте 21 педагог маман жұмыс жасайды.

Мұғалімдердің  біліміне қарай  жоғарыда көрсетілген  21 педагогтың жоғары білімдісі – 20, арнаулы орта – 1

Педагог кадрлардың сапалық  құрамының мониторингісі

Жаңарылған білім мазмұны аясында педагогтардың біліктілікті арттыру курстарынан өтуі жүзеге асырылуда. Жалпы мұғалімдер  бойынша курстан өткендер саны – 19, «Мектептегі басқарудағы инновациялық менеджмент»-1, бойынша курстан өткендер – 1, ҚР орта білім мазмұнын жаңарту шеңберінде қазақ тілінде оқытатын мектептердегі бастауыш сынып пәндері бойынша педагогика кадрларының біліктілігін арттыру білім беру бағдарламасы бойынша-15, «Мектепке дейінгі тәрбие мен оқытудың жаңартылған мазмұнын іске асыру

Біліктілігін арттыру курсынан өткен ұстаздар саны

Аталған көрсеткіштерге сәйкес, жыл сайын мұғалімдердің 50 %-дан астамы курстардан өтіп, білімін жетілдіру мүмкіндігінің зор екенін байқауға болады. Қазіргі таңда педагогтардың 90% өз білімдерін жетілдірді. Мектептің әдістемелік-ғылыми қызметінде кадрлардың кәсіби конкурстарға, инновациялық жобаларға  қатысуы

Мұғалімдердің кәсіби қызметінің 3 жылдық салыстырмалы мониторингісі

  Қорытынды:  Педагог кадрлардың біліктілігін жетілдіруде тиісті ұйымдардың аясында біліктілікті жетілдіру курстары, семинарлар, тренингтер т.б. өткізіліп, ынталандыру шаралары да жүзеге асырылады. Десе де, кейбір педагогтар тарапынан “Инновациялық жобаларға қатысушы педагогтар үлесі” индикаторы бойынша көрсеткіш деңгейі әлі де жетілдіруді қажет етеді. Аттестаттаудың жаңа форматының енгізілуіне орай педаготардың дайындығының жетіспеушілігі анықталды. 

  Жету жолдары: 1. Жаңа жобаларға жұмылдыру, LS тобын ұлғайту, тиісті мамандарды жұмылдыра отырып, үйрету семинарларын, оқуларын өткізу, педагогтардың өзара әрекеттестігін дамыту.

2. Аттестаттау комиссиясының қызметін жетілдіру.

 ІІІ бөлім. Бағдарламаның пайымы және миссиясы.

3.1 Бағдарлама пайымы

      Алдыңғы оқу жылдарында іске асырылған бастамалардың нәтижелері негізінде мектепті дамытудың жаңа пайымы білім берудегі басым жүйелік проблемалардан және педагогикалық қоғамдастық проблемаларынан білім алушыға және оның қажеттіліктеріне қайта бағдарлау болып табылады. 

      Оқушылардың білімділік деңгейін көтеру, адамгершілігі жоғары және жан-жақты дамыған жеке тұлғаны қалыптастыруға ықпал ететін атмосфераны қалыптастыру мектептің таяудағы бес жылға арналған негізгі бағдарына айналуға тиіс.

      2023 – 2028 жылдарға арналған мектепті дамытудың жаңа идеялары оқушыларға педагогикалық қолдау көрсету үлгісіне негізделетін болады, мұнда педагог оқу-тәрбие үдерісінің көмекшісі ретінде балаға әлемді өздігінен тануға, өз мүмкіндіктерін ашуға және жеке қызығушылықтары мен қажеттіліктерін ескере отырып білім алуға мүмкіндік береді.

      Дамыту бағдарламасы білім берудің ағымдағы жағдайынан бұрынғысынан сапалы түрде ерекшеленетін басқа жағдайға көшуді жүзеге асыруға мүмкіндік береді.

- тұратын жеріне және  білім беру сапасындағы алшақтықтан сапалы білім алуға қолжетімділікті теңестіруге;

- сапалы білім беру инфрақұрылымының тапшылығынан заманауи санитариялық нормаларға, қауіпсіздікке, жарақтандыру стандарттарына сәйкес құрал-жабдықтармен қамтамасыз етуге;

- педагог орны үшін бәсекелестікке, педагогтің жоғары мәртебесін қамтамасыз етуге, тағайындау және аттестаттау арқылы білім берудегі сапалы менеджментке;

- оқытудың дәстүрлі бағдарламаларынан білім алушыларды болашаққа дайындауға (білім беру мазмұнының құндылық аспектісін өзектендіру, оқу бағдарламаларының жаһандық құзыреттіліктерді, эмоционалды зияткерлікті, сыни ойлауды, білім алушылардың кәсіпкерлік және қаржылық сауаттылығы негіздерін қалыптастыруға бағытталуы;

- білім берудің жүйелілігін, сабақтастығын және үздіксіздігін қамтамасыз ету, инклюзивтілік, барлығы үшін сапалы білім беруге тең қолжетімділік;

- сыртқы бақылаудың қатаң әдістерінен білім беру сапасын жүйелі қамтамасыз етуге және білім беру саласындағы заңнаманың қолданыстағы нормаларын бұзушылықтардың алдын алуға және оны жасаудың себептері мен шарттарын жоюға ұсынымдар беруге бағытталатын шараларға көшуді көздейтін болады.

Мектептің дамыту бағдарламасы мынадай қағидаттарға негізделген:

 1) барлық оқушылардың сапалы білім алу құқықтарының теңдігі; 

 2) зияткерлік дамуы, оқушылардың жеке ерекшеліктерін ескере отырып, барлық деңгейдегі білімнің қолжетімділігі; 

 3) азаматтық және ұлттық құндылықтардың, адам өмірі мен денсаулығының, жеке адамның еркін дамуының басымдығы;

 4) білім беру деңгейлерінің сабақтастығын қамтамасыз ететін білім беру процесінің үздіксіздігі; 

 5) мектепті басқарудың демократиялық сипаты, білім беру жүйесі қызметінің ашықтығы.

       Жоспарланған траекторияны жүзеге асыру үшін дамыту бағдарламасында белгіленген жолға жетудің негізгі тәсілдері, стратегиялары мен тактикасы айқындалған 5 негізгі бағыт көрсетілген:

1. Бастауыш білім беру жүйесі арқылы саналы және жан-жақты дамыған азаматты қалыптастыру.
2. бастауыш білім беру мазмұнын жетілдіру;
3. ерекше білім беруді қажет ететін балалар үшін  білімнің қолжетімділігі;
4. Балалардың құқықтары мен мүдделерін қорғау, баланың қауіпсіз өмір сүруіне қолайлы жағдайды қамтамасыз ету.
5. балалардың құқықтары мен мүдделерін қорғау, баланың қауіпсіз өмір сүру жағдайын қамтамасыз ету;
6. жетім балалар мен ата-анасының қамқорлығынсыз қалған балалардың құқықтарын қорғау;
7. білім алушыларға әлеуметтік қолдау көрсету;
8. балалар мен олардың ата-аналарының құқықтық сауаттылығын арттыру.
9. Қазақстандықтардың жаңа буынын тәрбиелеу.
10. білім алушылардың жалпыадамзаттық құндылықтары мен эмоционалдық интеллектісін дамыту;
11. сыныптан тыс жұмыстар арқылы бала қабілеттерін қызығушылықтары бойынша дамыту.
12. Педагогтардың кәсіптік және мәдени капиталын арттыру.
13. педагогтарға қолайлы жағдайлар жасау;
14. педагогтардың үздіксіз кәсіби дамуы.
15. Білім беру сапасын жүйелі деңгейде қамтамасыз ету.  
16. сапаны ішкі қамтамасыз ету жүйесі;
17. сапаны сыртқы қамтамасыз ету жүйесі;

3.2 Бағдарламаның миссиясы, мақсаттары мен міндеттері

1. Мектептің миссиясы: Инновациялық процестер мен құндылықтарға негізделген салауатты тұлға тәрбиелеу.

2. Мектептің болашаққа бағдары (vision): Оқытудың жаңашыл идеялары мен құндылықтары арқылы толыққанды дамыған дені сау тұлға тәрбиелейтін мектепке айналады.

3. Мектепті дамытудың стратегиялық мақсаты: Кәсіби әлеуеті жетілген мұғалімдерден білім мен тәрбие алған жеке тұлғаны оқытып тәрбиелеу.

-Мектеп жаһандық талаптарға сай дамуының өзекті бағыттарын айқындау, бір жағынан, мектептің оқыту-тәрбиелеу үдерісі қызметінің тұрақтылығы мен нәтижелілігін, екінші жағынан, білім берудегі жаңашылдықты қамтамасыз ете алатын даму үрдісін басқару механизмін әзірлеу.

Мектептің міндеттері:

1. Барлық білім алушылар үшін тең сапалы  білім беру және білімнің қолжетімдігін қамтамасыз ету;
2. Тұлғаның жан-жақты дамуы, кәсіптік бейінінің қалыптасуы үшін қолайлы орта қалыптастыру;
3. Оқыту мен оқуда инновациялық технологияларды енгізу, ақпараттық орта қалыптастыру;
4. Педагог кадрлардың мәртебесін арттыру үшін жағдай жасау;
5. Ата-анамен ынтамақтастыққа негізделген бірлескен орта құру.

IV. Мектепті дамытудың басым бағыттары:

V. Бағдарламаны іске асыру тетіктері:

• Мектептің оқу жұмыс жоспары
• Сабақ үрдісі
• Мектептің «Зерттеуші» қоғамдастық, қауымдастық жоспары
• Тәрбие жұмыс жоспары
• Оқушылардың өзін-өзі басқару ұйымы
• Сынып жетекшінің жұмыс жоспары
• Мектепішілік бақылау жоспары
• Әлеуметтік педагогтің оқу жылына арналған жұмыс жоспары
• Педагог-психологтың оқу жылына арналған жоспары
• Тәлімгерлікті іске асыратын педпгогтің жоспары
• Мониторингтік зерттеу тобы

VI. Бағдарламаны іске асырудың күтілетін  нәтижелер:

- Білім мазмұнын жаңарту аясында педагог кадрлар  оқыту мен оқудың жаңа әдіс-тәсілдерін қолдана отырып, білім сапасын жақсартуға ықпал етеді;

- Білім мекемелерінің желілік қоғамдастығы арқылы өзара тәжірибе алмаса отырып, педагог кадрлардың кәсіби құзыреттілігі артады;

- Рухани-адамгершілік, патриоттық ұстанымы мығым, салауатты өмір салтын ұстанатын жан жақты жамыған зияткер тұлға қалыптасады

- Білім беру мекемесі цифрық инфрақұрылымы талапқа сай, материалдық техникалық базасы жинақталған, оқыту үшін қолайлы ортаға айналады. 

- Мектеп жаңа білім мазмұнына көшуде әлемдік тенденцияларға ілесетін, халықаралық тәжірибеге сүйенетін, бөлінген көшбасшылыққа негізделген табысты оқу ордасы ретінде қалыптасады. 

Білім беру қызметінің сапасын қамтамасыз ету мақсатында келесі аспектілерге назар аударамыз:

⁃ Білім мен сауаттылықты арттыру: Барлық оқушылардың оқу, жазу және математикалық дағдыларын дамыту арқылы сапалы білім беру. 

⁃ Жеке тұлғаға бағытталған білім беруді күшейту: әрбір оқушының жеке ерекшеліктері мен қабілеттерін ескере отырып, олардың жеке дамуын қолдау арқылы даралап оқытуға жағдай жасау. 

⁃ Заманауи технологиялар және цифрландыру: заманауи технологияларды пайдалану және цифрлық құралдарды білім беру үдерісіне біріктіру, бұл оқыту сапасын арттыруға және оқушылар мен мұғалімдердің цифрлық құзыреттіліктерін дамытуға көмектеседі. 

⁃ Педагогтардың кәсіби құзыреттілігін дамыту: педагогтардың кәсіби біліктілігін арттыру жүйесін енгізу, оның ішінде олардың біліктілігін арттыру, заманауи білім беру стандарттарына бейімделген оқытудың тиімді әдіс-тәсілдерін тәжірибеге кеңінен енгізу. 

⁃ Оқушылардың белсенділігі мен жауапкершілігін ынталандыру: оқу үрдісінде оқушылардың белсенділігін арттыру,өзін-өзі реттеу және оқуды басқару дағдыларын дамыту. 

⁃ Мектептің ішкі мәдениеті мен серіктестігін нығайту: оқушылар, мұғалімдер және ата-аналар арасындағы сыйластық, төзімділік, диалог пен серіктестікке ықпал ететін қолдаушы білім беру ортасын құру. 

⁃ Оқушылардың әл-ауқатын және салауатты өмір салтын қалыптастыру: оқушылардың дене және психикалық денсаулығын нығайтуға бағытталған іс-шараларды өткізу, оларға салауатты өмір салтын қалыптастыру, тамақтануға, спортпен шұғылдануға және демалысқа көңіл бөлу. 

Бұл міндеттер сапалы білім беруге, жеке тұлғаны жан-жақты дамытуға және оқушыларды қазіргі заманауи дағдыларын қалыптастыру:

1. Бағдарламаның стратегиялық блогы

1.Мектептің даму көрінісі: Менің ұжымда ұйымдастырушылық қабілетім жақсы жолға қойылған. Себебі мектеп мәдениетін қалыптастыруға  ықпалым зор. Бірақ жұмыс барысында өзімнің инновациялық идеяларды енгізуде білімімнің әлі де жеткіліксіз екенін түсіндім.

Мектебіміз білім берудің әдіс-тәсілдерін басқаруға, көшбасшылық идеяларын жоғары ұстануға,  ұйым ретінде нақты қадамдарды анықтайтын мақсаттарға ұмтылады.

Білім беру қызметі:

      -      Қазақстан Республикасы Оқу-ағарту министрлігінің жалпыға міндетті білім беру стандартының талаптарын жүзеге асыру;

• Қазақстан Республикасы орта білім мазмұнын жаңарту шеңберіндегі оқу бағдарламасын дамыту;
• Критериалды бағалау технологиясын дамыту;
• Білім берудің жоғары сапасын қамтамасыз ету;
• Тиімді менеджмент жүйесін құру;
• Жаңа талапқа сай кабинеттермен қамтамасыз ету;
• Ата-аналар мен оқушылар сұранысын жоғары деңгейде қанағаттандыру;
• Мұғалімдер мен оқушылардың шығармашылық іс-әрекеттерін зерттеп, сараптау;
• Білім берудің ашықтығын қамтамасыз ету;
• Мұғалімдер мен оқушылардың ақпараттық құзіреттілігін көтеру;
• Тәрбие жұмыстарының жаңа жүйесін қалыптастыру;
• Қосымша білім беруді дамыту;
• Оқушылардың өзін-өзі басқаруын дамыту;
• Мектеп оқушыларының әлеуметтік-тұрмыстық жағдайын зерттеу және мектептің әлеуметтік паспортын әзірлеу.

Әдістемелік жұмыстар:

-     Мектептегі Педагогикалық қоғамдастықтағы мұғалім көшбасшылығы жұмысын жандандыру;

-     Зерттеу арқылы оқыту идеясы бойынша семинарларын өткізу;

-   «Өрлеу» БАҰО АҚ, ПШО тарапынан семинарлар ұйымдастыру;

-     Мектепішілік оқыту семинарлары мен коучингтерді жиі әрі сапалы мазмұнда ұйымдастыру;

-     Мұғалімдердің кәсіби дамуына мониторинг жүргізу;

-     Lesson study/Action research арқылы мұғалімдердің зерттеу құзыреттілігін дамыту;

-     Оқушылардың білім сапасын зерттеу, мониторингтеу, бақылау жұмыстарын ұдайы қадағалау;

-     Ата – аналармен жүйелі түрде жиналыстар мен тренингтер өткізіп отыру, мектеп жұмыстарына тарту;

-     Авторлық бағдарламалар жұмысын жандандыру.

3.4 Бағдарламаның қойылған мақсатына қол жеткізу жолдары:

Алға қойылған мақсаттарға жету үшін мынадай міндеттерді шешу қажет:

 - заманауи менеджмент жүйесін енгізу;

 - білім беруді дамытудың мониторинг жүйесін жетілдіру;

 - оқу процесін автоматтандыруды енгізу үшін жағдай жасау;

; - мұғалімдердің кәсіби біліктілігін арттыру, өмір бойы оқу;

 - мұғалімдердің біліктілігін арттыру мақсатында мұғалімдердің кәсіби қауымдастығының жұмысын тиімді пайдалану;

 - білім беру үдерісіне жеті модуль идеяларын енгізу;

 - мектептегі инклюзивті білім жүйесін жетілдіру;

 - оқушылардың функционалдық сауаттылығын қалыптастыру; 

Жоспарланған траекторияны жүзеге асыру үшін бағдарламаның қойылған мақсатына қол жеткізудің негізгі тәсілдері, стратегиялары мен тактикасы айқындалған 7 негізгі міндет көрсетілген

 IV бөлім. НЫСАНАЛЫ ИНДИКАТОРЛАР ЖӘНЕ КҮТІЛЕТІН НӘТИЖЕЛЕР

4.1. Бағдарламаны іске асыру барысында күтілетін нәтижелер:

1. Білім беру мекемесін басқаруда әрі қарай ізгілендіру және демократизациялау үрдісін дамыту жүреді.
2. Мектеп түлектерінің кәсіби-ақпараттық деңгейі, өмірлік және кәсіби өзін- өзі анықтауы артады.
3. Білім беруде басқарудың сапасын арттыру және жүйелеуде оқу үрдісін автоматтандыруда тиімді жұмыстар жүргізіледі. 
4. Білім беру үрдісіне қатысушылардың ғылыми-педагогикалық банкі және ақпараттық білім беру ресурстары құрылады. 
5. Мектептің оқу-материалдық базасы нығайтылады.
6. Мектеп ата-аналар мен оқушылар сұранысын жоғары деңгейде қанағаттандырады.
7. Қала ішіндегі басқа да оқу орындарымен бәсекелестігінде артықшылығы болады.
8. Білім берудің жоғары сапасы қамтамасыз етіледі.
9. Педагогтар мен оқушылардың ақпараттық құзыреті көтеріледі.
10. Стратегиялық даму жоспарын іске асыру барысында жалпы адамзаттық және ұлттық құндылықтар негізінде тиімді жүзеге асатын                        оқу- тәрбие жұмысының үлгісі құрылады. 

            Білім алушылар

• Барлық оқушылар оқу, жазу, ойлау, математикалық есептеу, компьютерлік сауаттылық  және сыни ойлау, шешім қабылдау дағдылары негізінде білім алуға ұмтылады;

Ата – аналар 

• Барлық ата-аналар мектеп миссиясы мен негізгі мақсаттарын мектеп ұжымымен бірлесіп іске асырады;
• Барлық ата-аналар мектеп бағдарламаларын,   оқушылардың оқу жетістіктері мен оқу үлгерімдері туралы түсінікті ақпараттар алып отырады;
• Мектеп жұмысы өз нәтижелерін, жетістіктерін БАҚ құралдарына ашық жариялап  отырады.

Мұғалімдер

• Барлық мұғалімдер мектептің миссиясын, құндылықтары мен негізгі мақсаттарын жақсы түсінеді;
• Барлық мұғалімдер өзара кәсіби мамандар ретінде бір-біріне сыпайылық қатынас көрсетіп, бірлесе кәсіби өрлеуге шабыттанады;
• Барлық мұғалімдер ХХІ ғасыр дағдыларын нысанаға ала отырып, мектептің негізгі мақсатына бағытталған табысты оқу-тәрбие ортасын құрады;
• Әрбір мұғалім мектептің дамуына  жеке үлестерін қоса алады;
• Әрбір мұғалімнің жұмысы оның лауазымдық міндеттемелеріне сай сапалы орындалуына байланысты әділ бағаланады және марапатталады;
• Барлық мұғалімдер жеке тұлға, кәсіби маман, мектеп қауымдастығының маңызды мүшесі және көшбасшы ретінде үздіксіз өзін-өзі дамытады.

4.2 Бағдарламаның нысаналы индикаторлары  

V бөлім. ІС-ШАРАЛАР ЖОСПАРЫ

2023-2028 оқу жылы